HljóðX er með lausnina

HljóðX býður frábærar tæknilausnir í hljóði, lýsingu, mynd- og fjarfundabúnaði fyrir félög, fyrirtæki, einstaklinga og stofnanir. Hátalarar, magnarar, hljóðnemar og mixerar. Skjáir, tjöld og myndvarpar. Fjarfundarbúnaður, myndavélar, ljós, stýri- og samþættingarbúnaður.

Í HljóðX býr sérfræðiþekking og einstök reynsla sem safnast hefur upp allt frá því Ingó, framkvæmdastjóri og stofnandi HljóðX, var tæknistjóri á gamla Broadway við Álfabakka og á Hótel Íslandi í Ármúla. Síðan þá hefur HljóðX hannað og sett upp flottar tæknilausnir fyrir ótal samkomu- og íþróttahús, verslanir, kirkjur, kvikmyndahús, flugvelli, verslunarmiðstöðvar, veitinga- og skemmtistaði, ráðstefnusali og fundarherbergi.

Lausnir og búnaður frá úrvals framleiðendum

HljóðX flytur inn vandaðan búnað og rekstrarvörur frá virtum framleiðendum. HljóðX er umboðs- og dreifingaraðili Harman PRO sem framleiðir búnað undir merkjum AMX, JBL, Soundcraft, BSS, DBX, Martin, AKG og Crown. Einnig flytur HljóðX inn vörur frá Roland, Christie, Epson, Obsbot, AREC, Sommer og fleirum.

Hljóð

HljóðX er umboðs- og dreifingaraðili JBL sem er einn þekktasti framleiðandi hátalra í heiminum. JBL býður glæsilegt og mikið úrval hátalara fyrir öll rými. Innfellda, upphengda, samtengda, með eða án magnara og fleira og fleira. HljóðX hefur sett JBL hátalara í ótal veitingastaði, samkomusali, kirkjur, íþróttamannvirki og fleiri byggingar. Ein öflugasta lína JBL er Control sem gaman er að skoða hér.

Ljós

HljóðX er umboðs- og dreifingaraðili Martin sem er einn þekktasti ljósa-framleiðandi í heiminum. Martin framleiðir ljós fyrir leikhús, tónleikasali og samkomuhús og býður einnig upp á lýsingu fyrir byggingar úti eða inni, Martin architectural lighting.

Martin býður upp á ótal flottar lausnir og hefur ávalt verið í fararbroddi tækni og nýjunga í ljósum.

Mynd

Skjávarpar, tjöld og Led skjáir. Myndavélar, streymisbúnaður og fjarfundabúnaður. HljóðX hefur um árabil starfað með öflum birgjum á öllum þessum sviðum. Til dæmis Christie sem framleiðir hágæða skjávarpa og skjái. Roland sem er myndmixera. Epson sem er þekkt fyrir góða skjávarpa. Obsbot sem býður upp á flottar myndavélar og streymisbúnað. HljóðX leggur áherslu á vandaðan búnað sem auðvelt er að stýra.